ಬೆಳಗು

             ಬೆಳಗು

ಯಾವಾಗ ಹಕ್ಕಿಗಳು
ಮಾಧುರ್ಯದಿ ಹಾಡುತ್ತವೆ ,

ಯಾವಾಗ ಹೂಗಳು
ಹರುಷದಿ ಸುಗಂಧ ಪಸರಿಸುತ್ತವೆ ,

ಯಾವಾಗ ಭ್ರಮರಗಳು
ಹೂವನು ಚುಂಬಿಸಿ ಗುಂಯ್ಯಗುಡುತ್ತವೆ ,

ಯಾವಾಗ ನದಿಗಳು
ನಗುತ ಜುಳುಜುಳು ಹರಿಯುತ್ತವೆ,

ಯಾವಾಗ ಮಂಜಿನ ಮುತ್ತುಗಳು
ಹಸಿರೆಲೆಗಳಲಿ ಮಿನುಗುತ್ತವೆ ,

ಆವಾಗ ಇನಿಯಾ ನನ್ನ ನಯನಗಳು
ನಿನ್ನ ಚಿತ್ತಾರ ಬರೆಯುತ್ತವೆ ,

ನನ್ನ ಹೃದಯದಿ ಭಾವನೆಗಳು
ಕನಸಿನ ಕವಿತೆ ಕಟ್ಟುತ್ತವೆ

ಬೆಳಗಿನ ಮುಸುಕಿನ ಕ್ಷಣಗಳು
ರಾತ್ರಿಯ ಪ್ರಿಯನ ನೆನಪಿಸುತ್ತವೆ...

ಕನಸು ಕಂಗಳ ಚೆಲುವೆ

ಪ್ರೇಮಾ